Education

Coronavirus: महाराष्ट्र सरकारचा मोठा निर्णय: सर्व शाळा, महाविद्यालये बंद, परीक्षाही पुढे ढकलल्या

Uddhav-Thackeray-Coronavirus.jpg | Coronavirus: महाराष्ट्र सरकारचा मोठा निर्णय: सर्व शाळा, महाविद्यालये बंद, परीक्षाही पुढे ढकलल्या | Viral Maharashtra | Entertainment | News | Information | Maharashtra | viralmh.com
Coronavirus करोना व्हायरसचा फैलाव वाढत असल्याने राज्य सरकारने मोठा निर्णय घेत महाराष्ट्रातील सर्व शाळा, महाविद्यालय बंद करण्याचा आदेश दिला आहे. याशिवाय सर्व परीक्षाही पुढे ढकलण्यात आल्या आहेत. सर्व परीक्षा पुढे ढकलण्यात याव्यात अशी सूचना कुलगुरु आणि संबंधित विभागांना देण्यात आली आहे. मुख्यमंत्र्यांनी घेतलेल्या आढावा बैठकीत निर्णय घेण्यात आल्याची माहिती आरोग्यमंत्री राजेश टोपे यांनी दिली. तसंच निवडणुका तीन महिने पुढे ढकलण्यात येतील का यासंबंधी निवडणूक आयोगाकडे विचारणा केली असल्याचंही त्यांनी सांगितलं.
राजेश टोपे यांनी महत्त्वाची माहिती देताना करोनाची लागण झाल्याने घरात विलगीकरण करून ठेवलेल्यांच्या हातावर शिक्का मारणार असल्याचं सांगितलं. तो रूग्ण कळावा यासाठी हा निर्णय घेण्यात आल्याची माहिती त्यांनी दिली. रेल्वेच्या अधिकाऱ्यांना बोलवण्यात आले होते. रेल्वे स्वच्छ करण्याच्या तसंच सॅनिटाझर ठेवा, गर्दी कमी करा अशा सूचना देण्यात आल्याचं त्यांनी सांगितलं.
दरम्यान मंत्रालयात सर्वसामान्यांना प्रवेश बंद करण्यात आला असून मंत्रालयात कोणीही येऊ नये असं आवाहन त्यांनी केलं. राज्यभरातील जिल्हाधिकाऱ्यांकडून आढावा घेण्यात आला असून त्यांना जास्त लोकांना बोलावू नका. ईमेलचा वापर करा असं सांगण्यात आलं आहे. जिथे अनावश्यक फक्त मनोरंजनासाठी गर्दी केली जाते. त्याठिकाणी जमावबंदी लागू करण्याचे आदेशही देण्यात आले आहेत अशी माहिती राजेश टोपे यांनी दिली आहे.
केंद्र सरकारने जारी केलेल्या सात करोनाग्रस्त देशांच्या यादीमध्ये तीन नवीन देशांचा समावेश करण्यात आला असून. यामध्ये दुबई, अमेरिका आणि सौदी अरेबियातून येणाऱ्यांचीही चाचणी घेतली जाईल असं टोपे यांनी स्पष्ट केलं. करोनाग्रस्त देशांमधून येणाऱ्या रुग्णांची तीन प्रकारांमध्ये विभागी करण्यात येणार असल्याचे टोपे यांनी सांगितलं. “दहा करोनाग्रस्त देशांमधून येणाऱ्या लोकांना ए, बी आणि सी प्रकारामध्ये विभागले जाणार आहे,” असं टोपे यांनी सांगितलं. नक्की हे वर्गिकरण कसे असणार आहे याबद्दलही टोपे यांनी माहिती दिली. जाणून घेऊयात कसं होणार हे वर्गीकरण…
ए – यामध्ये ज्यांच्यामध्ये थेट करोनाची लक्षणे दिसत आहेत असे प्रवासी. त्यांना थेट आयसोलेशन वॉर्डमध्ये पाठवणार आहोत. त्यांच्या चाचण्या करुन त्याप्रमाणे त्यांच्यावरील उपचारांचा निर्णय घेण्यात येईल.
बी – यामध्ये वयोवृद्ध लोकं आहेत. ज्यांना मधुमेह किंवा इतर आजारांचा त्रास आहे त्यांचा बी प्रकारामध्ये समावेश करण्यात आला आहे. त्यांच्या चाचण्या करुन काही अढळल्यास पुढील उपचार त्यांच्यावर करण्यात येतील.
सी – यामध्ये तरुण मुले ज्यांच्यामध्ये कुठलीही लक्षणे नाहीत. त्यांची प्राथमिक तपासणी करुन त्यांना होम क्वॉरंटाइन केले जाईल.